قصيدة / عاشقك انا
- للشاعر شريف محمد احمد
عاشقك انا وبحبك ونفسي اسعد قلبك الدنيا احلوت في قربك وأعيش العمر في دربك بسمتك فرحة عيني اوعي حبيبتي تفارقيني من نهر حبك ارويني من الدنيا انتي تكفيني - بحبك وانتي فجر الشوق لو فايق خليني اْذوق لو بحلم مش عايز افوق
ظهورك بحياتي زي الشروق
-
ابيع روحي على نظرة
وكلمة اْسمعها كام مرة
بحضنك ضمة مع كسرة
اْتوه ف عيونك السمرة
-
عشقتك فوق حدود الكون
انا بجمالك اْكون مجنون
وعارف فيكي قلب حنون
لقلبك الحنون انا ليكي ممنون
-
بحبك وانتي سمعاني
ونفسي تكوني حساني
يا سحراني و اسراني
فراقك نار كاوياني
-
ياشمعة قلبي وميلاده
ياضي شموسه واْعياده
عشت معاك اروع امجاده
غرامك ده غاية مراده
حبيبتى انتي أجمل غنوة
ادوب في عيونك الحلوه
احب اخد على صدرك غفوة
و معاك انا طاير من الفرحه
عاشقك انا وبحبك ونفسي اسعد قلبك الدنيا احلوت في قربك وأعيش العمر في دربك بسمتك فرحة عيني اوعي حبيبتي تفارقيني من نهر حبك ارويني من الدنيا انتي تكفيني - بحبك وانتي فجر الشوق لو فايق خليني اْذوق لو بحلم مش عايز افوق
احلى كلام
ردحذف